NUN CE STAI...

Nun ce stai chesta sera
e 'a nuttata è cchiu nera
te veco dint 'e suonne mie smaniuse
e cerc 'e te fermà
pigliannete pe mmane
ma nun trovo sti carne avvellutate
e si arape l'uocchie
me se ferma 'o core
pecchè nun ce stai
e nun tenga a nisciun
ca me stregne 'na mano

e me fa cumpagnie
a luce 'e nu lampione
che trase a rint 'e llastre
e ruffiane se stenne
appujann 'a capa
ncopp 'o cuscin addò nun ce stai tu...

Nun ce stai ammore mio
ll'aggio capito ca vuo' bbene a nato
e si stu core more
senza 'e te
tu  invece tiene 'a cchillo dint o core
e stasera ll'astrigne
e te parla d'ammore
mentre 'o tiene stritte stritte
e o rai  tutte 'e vase
che je vulesse a te

ma sto sule stasera
e dimane chisà
si stu core malate
te riesce a scurdà...
ma so sicure e giure ammore mio
che si turnasse a nascere 
'na cosa sola cercasse nnanz 'a Dio
e farme ncuntrà 'a tte
anema mia
pe' te astreggnere forte
vasannete sti mmane
e ppo felice e tutte
chist'ammore
'o core se fermasse nata vota
e je turnasse 'ncielo addò signore...

Traduzione in italiano

NON CI SEI...

Stasera non ci sei
e la notte è più buia
smanioso
ti vedo nei miei sogni
e cerco di fermarti
prendendoti per mano
ma non trovo le tue carni vellutate
e se apro gli occhi
mi si ferma il cuore
perchè non ci sei
e non ho nessuno
che mi tiene strette le mani

E mi fa compagnia
la luce del lampione
che entra attraverso i vetri
e si distende ammiccante
appoggiando la testa sul cuscino
dove tu non ci sei...

Non ci sei amore mio
ho capito che ami un'altro
e mentre questo cuore muore senza di te
tu tieni quell'altro nel tuo cuore
e stasera
lo stringi forte
mentre ti parla d'amore
e gli dai tutti i baci che io vorrei da te

Ma sono solo stasera
e domani
chissà se questo cuore malato
riesce a dimenticarti...
ma sono sicuro
lo giuro amore mio
che se potessi rinasce
una sola cosa chiederei a Dio
di farmi incontrare te
anima mia
per stringerti forte
baciando le tue mani
e poi
per la felicità
il cuore tornerebbe a fermarsi
ed io tornerei in cielo
dal Signore...

Mario Coralluzzo - Copyrigt © 2008 - ' A TERRA MIA - Poesie dialettali

Si parlassero ‘sti viche
si 'a munnezza ve dicesse ‘a verità
putisseve capì tutt’ ‘e strunzate
tutte ‘e prumesse ‘o viento
‘e speranze perdute
‘e tutte ‘e chiacchiere vestute a ‘ffesta…

Quant’ ‘uommene ‘e mmerda
mettevano ‘a bandiera
‘ncopp ‘a  sta sofferenza
parlavane, dicevano
ce tenevano ‘a mano
e po’ …
currevene luntano
purtannese ‘e prumesse
senza vutarse arrete

Mo’ sta affunnane Napule
‘e morene ‘sti figlie
p’ ‘o scuorne che ce spezza ‘o sciato
‘cchiù da munnezza ca ce sta accerenno
‘o munno dice
Napule more dint’a munnezza
ma nun sape
ca pe’ cierte signure addore assaie
tene ‘o cchiù ‘bell prufumme
e si ‘nu scugniezzello more
si ‘na mamma se struie
chest’ so’ cos’ ‘e niente
‘lloro ce fanno ‘e ‘llire
se spartene e melione
e se ne fottene ‘d'a povera ‘ggente

Stanne a Santa Lucia ‘sti cammurriste
cu ‘e ccase a via Petrarca
vanne ‘a televisione
s’accattene ‘e giurnale
si chiammane onorevole
ma nun tenene onore
pecchè so’ comme a zoccole ‘e fugnature
ca’ s’abboffene dint’a sta’ muzzezza
e correne cu’ è sirene d ‘a scorta,
annascuse dinte ’e machine ‘e servizio
parene signurune
se sentene importante
ma acalene ll’uocchie
p’ ‘o schife ca se fanno.

Fujetevenne ‘a Napule
nun ce turnate cchiù 
'a Merica è fernutamo ce sta sule  ‘a puzza d’a munnezza,
‘e ‘o scuorne che c’avita fatto
ma Napule nun more
‘e figlie suie l’aizeno nata vota
purtannele po’ munne
p ‘o core,  p’ 'a passione
e cu' ‘ll’orgoglio e napulitane.

Dint’ a ‘sta notta santa
‘a ggente e ‘sta città
te corre attuorno
te tene mente e passa
cercann e te scanzà

cull’uocchie ‘nfus e chianto
e tanta malincunia
pienze ‘o paese tuoie
luntane e scanusciute
addò ‘na mamma prega
p’ ’o figlie ca sta’ fore

Natale è nu pensiero antico
cà nun può mai truvà dint ‘e vvetrin…
e t’annascunne sotto ‘a ‘nu cartone
tenenn mente ‘o cielo chino ‘e stelle
“ chisà si ‘o ‘uarda  pure mamma mia
chisà si chesta notta essa me penza
chisà si a vederraggia ‘nata vota
chisà si mai ‘nce torno a casa mia…”
po’  t’ appapagne e ‘dduorme
senza ‘cchiu ‘nu pensiero

A gghiuorno ‘a ggente corre
“e mmuorto…è nu guaglione
cu  ‘a faccia nera nera
cchiu nera ‘ddo cravone
Maronna e cchè ‘mpressione…”

E chist’è ‘o munno
e chest’è ‘a civirtà
ma c’ ’avimmo già scurdate
'e sciumm ‘e lacreme
‘dda ggente nosta
fore pe campà…

Mo stu guaglione è mmuorto
facite ‘o repusà
mo’ finalmente tene  ‘nu surris
mo’ finalmente ‘a casa po’ turnà

Vuie sapite pecchè guardav’ ‘o cielo
pecchè è sincero e nun’ tene confine
nu’ ‘gguarda a pelle
e quann’ iesce ‘o sole
e ‘o stesso
p’ ’o pezzente e p’ ‘o signore…!

Mario Coralluzzo © 2007  - 'A TERRA MIA - Poesie dialettali

Suonne ca me dai pace
pigliate sti penziere
lassame sulo ancora
sotto a stu cielo 'e stelle

Luna che stai 'lla mponta
falla durmì cuntenta
e ffa ca quanne è juorne
nun s'alluntane a me

Sona chitarra mia
cantale a ninna nanna
e tu core sperduto
vasale stì capille...

e tu juorne perdute
che ssì bbenut a ffa?
Si ammore mio è partuto
putive nun schiarà...